Ministri i Jashtëm i Kosovës, Behgjet Pacolli ka dënuar arrestimin e shtetasit kosovar Nezir Mehmetaj nga policia e serbe duke bërë thirrje për lirimin e menjëhershëm të tij.

Pacolli ka thënë se zyra e tyre ndërlidhëse në Beograd do të marrë të gjitha masat për lirimin e tij, shkruan arbresh.info.

“Serbia nuk mund të pengojë më pafund lëvizjen e lirë të njerëzve dhe menjëherë të ndalojë me përndjekjet politike”, ka shkruar Pacolli në facebook.

Postimi i tij i plotë:

Ne e dënojmë arrestimin e shtetasit kosovar Nezir Mehmetaj nga policia serbe dhe bëjmë thirrje për lirimin e menjëhershëm të tij. Zyra jonë e ndërlidhjes në Beograd është aktive dhe do të marrë të gjitha masat e duhura për të siguruar lirimin e Nezirit.
Serbia nuk mund të pengojë më pafund lëvizjen e lirë të njerëzve dhe menjëherë të ndalojë me përndjekjet politike. Kjo është në kundërshtim me marrëveshjen e Brukselit dhe Brukseli, nga ana tjetër, duhet të marrë masa urgjente për të parandaluar veprimet e Beogradit kundër qytetareve të Kosovës dhe për të siguruar lëvizjen e lirë të qytetarëve./arbresh.info